Mout

Insaa.n ki rooh jism ke pinjre mei.n qaid thi Aakar ajal ne rooh ka dil shaad kardiya Ahsaan maan mout ka naadaan tu na ban Barso.n ki qaid se tujhe aazaad kardiya Insaa.n ko chaahiye ke sabaq mout se woh le Beshak yeh kaam apna bakhoobi nibhaati hai Har laailaaj dard ka darmaa.n hai dosto Har khaaso aam shakhs ke yeh kaam aati hai Gar haadise ki mout se bachna hai dosto Khulkar khuda ki raah mei.n sadqa diya karo Allah bakhsh dega tumhare bade gunaah Har mustahaq ki chup ke madad tum kiya karo Sheeree.n shahad ke jaisi kisi ke liye hai mout Aur talkh zahr se bhi kisee keliye hai mout Dahshat kisee ke dil mei.n kahee.n itmenaan hai Dulhan nayee naveli kisee ke liye hai mout Haamid khuda ka shukr sada tum kiya karo Har pal ajal ko zahn mei.n apne rakha karo Aasaan hongi tumpe qiyaamat ki sakhtiyaa.n Tum apne rishtedaro.n ke haq ko ada karo

Related Posts